Віленскі аэрапорт у ноч на 22 верасьня больш як на тры гадзіны абмежаваў працу праз навігацыйныя адзнакі, якія, паводле Lithuanian Airports, былі характэрныя для паветраных шароў. Абмежаваньні дзейнічалі прыкладна з 23:25 да 02:40.
Паводле паведамленьняў Lithuanian Airports, пацярпелі 17 рэйсаў: 12 перанакіравалі ў іншыя аэрапорты, тры затрымалі і два скасавалі. Апэратар назваў інцыдэнт «гібрыднай атакай Беларусі», аднак дарадца прэзыдэнта Літвы Дэйвідас Матулёніс раніцай заявіў, што яшчэ ня мае пацьверджаньня, што ў паветранай прасторы сапраўды былі шары.
Сёлета праца Віленскага аэрапорту ўжо неаднаразова парушалася праз аб’екты, якія, паводле літоўскіх службаў, прыляталі з боку Беларусі.
