ФБР сарвала плян масавага нападу ў Mall of America ў Мінэсоце, паведаміла 7 кастрычніка Міністэрства юстыцыі ЗША. 18-гадоваму Шэйхдуну Абдулы Махамуду выставілі абвінавачаньне ў атрыманьні зброі і боепрыпасаў для ўчыненьня фэдэральнага злачынства тэрарыстычнага характару.
Паводле крымінальнай скаргі, падазраваны абмяркоўваў напад у падтрымку тэрарыстычнай арганізацыі ISIS і называў датай 24 кастрычніка. Мінюст сьцьвярджае, што ён хацеў забіць ад 30 да 60 чалавек. 6 кастрычніка агент пад прыкрыцьцём перадаў яму за $600 абясшкоджаную вінтоўку AK-47, чатыры магазіны і каля 200 патронаў, пасьля чаго ФБР яго арыштавала.
Associated Press паведамляе, што ФБР назірала за Махамудам амаль два гады. Ён паўстаў перад фэдэральным судзьдзёй 7 кастрычніка. Абвінавачаньне пакуль зьяўляецца толькі сьцьверджаньнем пракуратуры; віна павінна быць даказаная ў судзе.
