Аляксандар Лукашэнка 30 верасьня падпісаў указы №342 і №343 з асноўнымі сацыяльна-эканамічнымі і грашова-крэдытнымі арыенцірамі Беларусі на 2027 год. Паводле паведамленьня ягонай прэс-службы, улады разьлічваюць на рост ВУП на 1,9%, рэальных даходаў насельніцтва на 3% і інфляцыю ня вышэй за 6%.
У прагноз таксама закладзены рост інвэстыцыяў у асноўны капітал на 3,1% і экспарту тавараў і паслуг на 2,9%. Урад павінен на працягу двух месяцаў зацьвердзіць падрабязны плян сацыяльна-эканамічнага разьвіцьця на 2027 год.
Гэта мэтавыя паказьнікі беларускіх уладаў, а не незалежны прагноз фактычнага росту. Для параўнаньня, Сусьветны банк чакае рост ВУП Беларусі ў 2027 годзе на 0,8% і інфляцыю на ўзроўні 6,5%.
