Фэдэральны апэляцыйны суд у Вашынгтоне 25 верасьня адхіліў скаргу Anthropic на рашэньне Пэнтагону выключыць Claude са свайго ланцуга паставак паводле закону аб бясьпецы фэдэральных закупак. Рашэньне было прынятае двума галасамі супраць аднаго.
Суд пастанавіў, што ў ведамства былі дастатковыя падставы лічыць убудаваныя Anthropic абмежаваньні выкарыстаньня Claude рызыкай для працы ягоных інфармацыйных сыстэмаў. Гэта дазваляе Пэнтагону працягваць выдаленьне Claude са сваіх сыстэмаў і забараняць падрадчыкам выкарыстоўваць прадукты Anthropic у працы для ведамства.
Рашэньне не забараняе прадукты Anthropic ва ўсім фэдэральным урадзе. Кампанія заявіла Associated Press, што не пагаджаецца з пастановай і разглядае магчымасьць далейшага перагляду. У асобнай справе ў Каліфорніі фэдэральная судзьдзя раней прызнала незаконным паралельнае абмежаваньне, заснаванае на іншым прававым абгрунтаваньні.
