У Нью-Ёрку Сьвятлана Ціханоўская ўзнагародзіла беларускага сьпевака і журналіста Данчыка, Багдана Андрусышына, мэдалём Францішка Скарыны. Цырымонія адбылася 21 верасьня ў прадстаўніцтве Эўрапейскага зьвязу ў Нью-Ёрку на палях Генэральнай асамблеі ААН.
Паводле прэсавай службы Ціханоўскай, узнагароду ўручылі за шматгадовы ўнёсак Данчыка ў разьвіцьцё беларускай культуры, мовы і свабоды слова. Радыё Свабода таксама паведаміла пра цырымонію і адзначыла, што Данчык шмат гадоў працаваў у Беларускай службе Радыё Свабода, у тым ліку намесьнікам дырэктара.
