Turkish Airlines 21 верасьня аднавіла рэгулярныя рэйсы паміж Стамбулам і Менскам пасьля перапынку, які доўжыўся з лютага 2022 году. Першы рэйс TK285 прыбыў у Нацыянальны аэрапорт Менск у ноч на панядзелак.
Аэрапорт раней паведамляў, што на першым этапе перавозчык плянуе шэсьць рэйсаў на тыдзень, а з 6 кастрычніка — сем. Актуальны расклад на сайце Turkish Airlines ужо паказвае рэйсы з Менску ў Стамбул у верасьні і кастрычніку.
Аднаўленьне маршруту вяртае пасажырам яшчэ адзін прамы варыянт пералёту ў буйны міжнародны транзытны вузел. Turkish Airlines спыніла палёты ў Беларусь у лютым 2022 году пасьля пачатку поўнамаштабнага расейскага ўварваньня ва Ўкраіну.
