Група краінаў — удзельніц АБСЭ ў сумеснай заяве 17 верасьня заклікала беларускія ўлады неадкладна і безумоўна вызваліць і рэабілітаваць усіх палітычных зьняволеных, а таксама спыніць рэпрэсіі супраць грамадзянскай супольнасьці, незалежных СМІ і апазыцыйных галасоў.
Афіцыйны тэкст заявы, апублікаваны ўрадам Вялікабрытаніі, адзначае, што краіны вітаюць вызваленьне некалькіх сотняў палітвязьняў, але заяўляюць пра працяг палітычна матываваных арыштаў і перасьледу. У заяве са спасылкай на «Вясну» гаворыцца пра 886 палітвязьняў і сама меней 10 016 чалавек, якія з 2020 году сутыкнуліся з крымінальным перасьледам з палітычных прычынаў.
Радыё Свабода асобна паведаміла пра гэтую заяву 18 верасьня. Дакумэнт быў агучаны на паседжаньні АБСЭ ў Вене пасьля вызваленьня 25 зьняволеных у Беларусі 16 верасьня.
