Беларускі журналіст і дзеяч польскай меншасьці Анджэй Пачобут 8 верасьня перасёк польска-беларускую мяжу ў Баброўніках і вярнуўся ў Беларусь. Паводле Польскага агенцтва друку, інфармацыю пра перасячэньне мяжы пацьвердзілі крыніцы, блізкія да польскіх службаў.
Пачобут накіраваўся ў Горадню. Gazeta Wyborcza паведамляе, што ён плянуе сустрэцца з сям’ёй і прадстаўнікамі Саюзу палякаў у Беларусі, а паездка мае працягнуцца каля тыдня. Журналіст знаходзіўся ў Польшчы з канца красавіка, калі яго вызвалілі пасьля больш як пяці гадоў зьняволеньня ў Беларусі.
Пачобут раней неаднаразова казаў, што хоча вярнуцца ў Горадню і працягваць падтрымліваць дзейнасьць Саюзу палякаў у Беларусі.
