Microsoft, Nvidia, Meta, Palantir, OpenAI і іншыя тэхналягічныя кампаніі падтрымалі адкрыты ліст да амэрыканскіх палітыкаў з заклікам не ўводзіць заўчасныя абмежаваньні на open-weight AI-мадэлі — мадэлі, чые вагі можна спампоўваць, вывучаць і запускаць на ўласнай інфраструктуры.
Business Insider паведамляе, што OpenAI далучылася да ліста пазьней, пасьля пачатковай публікацыі. Anthropic, паводле матэрыялу, застаецца галоўнай вялікай AI-кампаніяй, якая пакуль не падтрымала гэты дакумэнт. Ліст зьвязвае адкрытыя мадэлі з інавацыямі, кібербясьпекай і тэхналягічным сувэрэнітэтам ЗША.
Дыскусія адбываецца на фоне занепакоенасьці Вашынгтону кітайскімі мадэлямі і рызыкамі злоўжываньня AI. Падпісанты выступаюць не супраць кантролю ўвогуле, а супраць шырокіх забаронаў, якія, на іх думку, могуць аслабіць амэрыканскую канкурэнтаздольнасьць.
