Прэзыдэнт Літвы Гітанас Наўседа заявіў 16 верасьня, што дрон, зьбіты напярэдадні над Літвой зьнішчальнікам NATO, быў апаратам тыпу «Gerbera», які выкарыстоўвае Расея, і, паводле наяўнай у літоўскіх уладаў інфармацыі, імаверна быў скіраваны ва Ўкраіну. Наўседа сказаў, што дрон мог адхіліцца ад курсу пад узьдзеяньнем украінскіх сродкаў радыёэлектроннай барацьбы і што ягоны ўваход у паветраную прастору Літвы, хутчэй за ўсё, не быў сьвядомай атакай на краіну.
Reuters і BNS асобна паведамілі пра заяву Наўседы. Reuters удакладняе, што літоўскае войска працягвае аналіз электронікі дрона, каб вызначыць ягонае меркаванае заданьне, таму ацэнка маршруту і мэты застаецца папярэдняй.
«Варта» ўжо пісала пра першае зьбіцьцё дрона над Літвой сіламі NATO. Новы факт істотна ўдакладняе інцыдэнт: літоўскі прэзыдэнт назваў тып апарата і агучыў папярэднюю вэрсію, паводле якой ён быў скіраваны ва Ўкраіну, а не наўмысна атакаваў Літву.
