Пагрузку сырой нафты ў саудаўскім порце Янбу на Чырвоным моры спынілі пасьля атакі, якая вывела з працы нафтаправод «Усход — Захад». Reuters паведамляе пра гэта са спасылкай на крыніцы ў суднаходнай галіне; The Wall Street Journal таксама паведамляе пра прыпыненьне пагрузкі ў Янбу. Saudi Aramco публічна не пацьвердзіла прыпыненьне і адмовілася ад камэнтару Reuters.
Янбу стаў асабліва важным для сусьветнага рынку пасьля рэзкага абмежаваньня перавозак праз Армузкую пратоку: нафтаправод дазваляў Саудаўскай Арабіі перакідваць нафту з усходу краіны да Чырвонага мора. Reuters таксама паведамляе, што Эр-Рыяд адмяніў частку паставак з пагрузкай у верасьні для эўрапейскіх кліентаў.
На навінах пра новыя абмежаваньні паставак Brent у аўторак закрыўся на $108,75 за барэль, падняўшыся на 2,9%, а амэрыканскі WTI — на $105,83, або на 4,38%. Працяглы збой можа падтрымліваць высокія цэны на нафту і ўзмацняць ціск на кошт паліва і інфляцыю ў ЗША і іншых краінах.
Раней у «Варце»: пісалі пра пашкоджаньне нафтаправоду і магчымы рамонт цягам 3–5 тыдняў.
