Урад Эстоніі 29 верасьня заявіў, што падпал будынку абароннай кампаніі Milrem Robotics у Таліне ў ноч на 15 жніўня быў дывэрсіяй, замоўленай расейскімі спэцслужбамі. Прэм’ер-міністар Крыстэн Міхал спаслаўся на высновы Службы ўнутранай бясьпекі Эстоніі KAPO.
Эстонскія ўлады не апублікавалі доказаў, патлумачыўшы гэта сакрэтнасьцю матэрыялаў службы бясьпекі. Reuters асобна паведаміў пра афіцыйнае абвінавачаньне і адзначыў, што Расея раней адмаўляла заходнія абвінавачаньні ў дывэрсіях і іншай гібрыднай дзейнасьці ў Эўропе.
Milrem Robotics вырабляе беспілётныя наземныя сыстэмы і пастаўляе іх Украіне. У выніку жнівеньскага падпалу ніхто не пацярпеў.
