Расейскі ўдар у нядзелю пашкодзіў будынак штаб-кватэры Kyivstar у Кіеве. Найбуйнейшы мабільны апэратар Украіны паведаміў, што ягоныя супрацоўнікі не пацярпелі і кампанія ацэньвае наступствы атакі.
Reuters паведамляе, што ўдар адбыўся на фоне серыі расейскіх атак па дата-цэнтрах і камунікацыйнай інфраструктуры. Раней на гэтым тыдні пашкоджаньне дата-цэнтраў і сеткавых вузлоў выклікала праблемы з інтэрнэтам прыкладна ў 100 тысяч хатніх гаспадарак Кіева і вобласьці, паводле Міністэрства лічбавай трансфармацыі Ўкраіны.
Associated Press паведамляе, што прэзыдэнт Украіны Ўладзімір Зяленскі заявіў пра два ўдары па дата-цэнтры ў Кіеве ў нядзелю раніцай, у выніку якіх былі параненыя двое дзяцей і дарослы. Міністэрства абароны Расеі заявіла пра ўдары па некалькіх дата-цэнтрах у Кіеве, якія, паводле Масквы, забясьпечвалі інтэрнэтам украінскія ўзброеныя сілы. Reuters асобна адзначыла, што не змагло незалежна пацьвердзіць расейскія заявы пра вайсковае прызначэньне атакаваных аб’ектаў.
