Міністэрства юстыцыі ЗША паведаміла пра першае завершанае выдаленьне праз Alien Terrorist Removal Court, адмысловы фэдэральны суд, створаны Кангрэсам у 1996 годзе, але да гэтага лета ніводнага разу не выкарыстаны.
Назіра Хаджы Зада, 47-гадовая грамадзянка Аўганістану і былая сталая жыхарка ЗША з Форт-Ўэрту, была выдаленая ў Аўганістан. Суд выдаў загад аб выдаленьні 20 жніўня, але дакумэнты рассакрэцілі толькі пасьля яе вяртаньня ў краіну паходжаньня.
Паводле DOJ, Хаджы Зада пагадзілася з клясыфікацыяй як «alien terrorist» і адмовілася ад апэляцыі. Міністэрства сьцьвярджае, што яна падтрымлівала ISIS-натхнёны плян масавай страляніны ў дзень выбараў 2024 году, да якога былі датычныя яе сын і зяць.
Associated Press удакладняе важны працэсуальны кантэкст: Хаджы Зада была lawful permanent resident, а яе адвакаты заяўлялі, што згода на выдаленьне не азначае прызнаньня законнасьці самога суду. Абарона крытыкуе магчымасьць выкарыстаньня сакрэтных доказаў, зь якімі іншаземец ня можа цалкам азнаёміцца.
Для іміграцыйнай практыкі гэта пакуль не агульнае новае правіла для звычайных removal proceedings. ATRC мае вузкую юрысдыкцыю ў справах, дзе ўрад сьцьвярджае, што іншаземец зьяўляецца тэрарыстам, і выкарыстоўвае адмысловую працэдуру паводле 8 U.S.C. §§1531–1537.
«Варта» ўжо пісала пра першае адкрытае слуханьне ў гэтай справе ў ліпені. Папярэдні матэрыял.