Адміністрацыя Дональда Трампа загадала будаўнікам памежнай сьцяны ў Нью-Мэксыка спыніць бурэньне новых сьвідравінаў пасьля скаргаў ранчараў, што прамысловае адпампоўваньне грунтавых водаў пагражае статкам у разгар засухі.
Associated Press паведамляе, што адзін з ранчараў убачыў на арэндаванай зямлі сьвідравіну, якая, паводле рабочых, магла пампаваць да 300 галёнаў за хвіліну. Для параўнаньня, ягоныя ўласныя сьвідравіны звычайна даюць каля 3–7 галёнаў за хвіліну.
Памежная служба ЗША заявіла, што падрадчыкам ужо загадалі не бурыць новыя сьвідравіны і што цяпер яна будзе распрацоўваць стратэгію водазабесьпячэньня разам з уладамі Нью-Мэксыка і Міністэрствам сельскай гаспадаркі. Упраўленьне дзяржаўнага інжынэра Нью-Мэксыка кажа, што ўздоўж мяжы ўжо налічыла сама меней восем сьвідравінаў без дазволу, а дзьве правераныя ў ліпені пампавалі каля 200 галёнаў за хвіліну.
Гэта не спыняе само будаўніцтва сьцяны, але прымушае фэдэральныя структуры тлумачыць, як яны будуць браць ваду ў адным з самых засушлівых участкаў мяжы.
