На фэстывалі Bite of Seattle каля Space Needle у нядзелю ўвечары адбыўся абмен стрэламі паміж двума людзьмі, паведаміла паліцыя Сіэтлу. Адзін падазраваны здаўся на месцы, другога шукаюць. Загінулі тры чалавекі, яшчэ чацьвёра, у тым ліку двухгадовы хлопчык, атрымалі раненьні.
Associated Press паведамляе са спасылкай на памочніка начальніка паліцыі Тайрана Дэвіса, што ўлады пакуль ня маюць апісаньня ўцекача, але не бачаць працяглай пагрозы для шырокай публікі. Паводле прадстаўніцы пажарнай службы Сіэтлу, усе чацьвёра параненых былі шпіталізаваныя ў стабільным стане.
Страляніна пачалася каля 18:00 у апошнія гадзіны трохдзённага фэстывалю, які звычайна зьбірае каля 350 тысяч людзей. Дзясяткі паліцыянтаў ужо дзяжурылі на тэрыторыі, таму частка зь іх адразу кінулася да месца стрэлаў. Матыў і тое, ці былі ахвяры ўдзельнікамі канфлікту, пакуль не ўстаноўленыя.