Фонд BYSOL вядзе збор для былога палітвязьня і грамадзкага актывіста Андруся Асмалоўскага, які пасьля вызваленьня спрабуе наноў уладкаваць жыцьцё ў эміграцыі.
Паводле старонкі збору, мэта складае €2 700: €1 200 патрэбныя на арэнду жытла на тры месяцы, €1 000 на аплату рэшты навучаньня і €500 на побытавыя выдаткі. Асмалоўскі піша, што праходзіць псыхалягічную рэабілітацыю і вучыцца анлайн на інжынэра па штучным інтэлекце, адначасова працуючы ў начныя зьмены.
«Вясна» пацьвярджае, што Асмалоўскага затрымалі 29 ліпеня 2022 году. 31 кастрычніка 2022-га яго асудзілі паводле арт. 342 КК на тры гады калёніі агульнага рэжыму. Ён выйшаў на волю 30 красавіка 2025 году.
Збор застаецца адкрытым. Падтрымаць яго можна непасрэдна на старонцы BYSOL.
