Нацыянальны аэрапорт Менск з 25 кастрычніка перайшоў на асеньне-зімовы расклад палётаў. Ён будзе дзейнічаць да 27 сакавіка 2027 году, паведаміла прэс-служба аэрапорту.
У новым раскладзе прадугледжаныя рэгулярныя рэйсы па 30 напрамках, якія будуць абслугоўваць дзесяць авіякампаніяў.
«Белавія» плянуе працягваць палёты, сярод іншага, у Алматы, Астану, Баку, Бангкок, Дэлі, Дубай, Ерэван, Стамбул, Ташкент, Тбілісі і некалькі расейскіх гарадоў.
Air China будзе выконваць рэйсы ў Пэкін і Сіянь, FlyDubai у Дубай, Turkish Airlines у Стамбул, Uzbekistan Airways у Ташкент, Somon Air у Душанбэ. Расейскія авіякампаніі таксама застаюцца ў раскладзе.
На зімовы пэрыяд не заплянаваныя сэзонныя рэйсы ў Махачкалу, Мурманск, Ніжні Ноўгарад і Ўльянаўск. Чартарныя праграмы прадугледжваюць палёты ў Эгіпет і Віетнам.
Аэрапорт папярэдзіў, што на асобных маршрутах зьмяняецца час вылету. Расклад мае плянавы характар, таму перад паездкай пасажырам варта ўдакладняць актуальныя зьвесткі пра канкрэтны рэйс у перавозчыка або аэрапорту.
