29 верасьня ў Менскай, Магілёўскай, Горадзенскай і Берасьцейскай абласьцях пачаліся штогадовыя заняткі па мабілізацыйнай гатоўнасьці. Паводле Міністэрства абароны Беларусі, яны працягнуцца да 2 кастрычніка і праходзяць пад кіраўніцтвам старшыняў аблвыканкамаў.
У праграме — тэарэтычныя і практычныя мерапрыемствы для супрацоўнікаў выканкамаў, ваенных камісарыятаў, арганізацыяў і ваеннаабавязаных тэрытарыяльных войскаў. Ведамства называе мэтай адпрацоўку дзеяньняў пры фармаваньні тэрытарыяльных войскаў і атрадаў народнага апалчэньня.
У Віцебскай і Гомельскай абласьцях аналягічныя заняткі заплянаваныя на 13–16 кастрычніка. У паведамленьні Мінабароны гаворка ідзе пра штогадовыя заняткі па мабілізацыйнай гатоўнасьці.
