Аляксандар Лукашэнка 28 верасьня прызначыў начальніка Генэральнага штабу Паўла Мураўейку намесьнікам кіраўніка сваёй адміністрацыі. Пра кадравыя рашэньні паведаміў афіцыйны Telegram-канал «Пул Першага»; іх таксама апісалі «Позірк» і «Зеркало». Новым начальнікам Генштабу — першым намесьнікам міністра абароны стаў Уладзімер Белы.
Перастаноўкі закранулі і цывільныя ведамствы. Міністрам антыманапольнага рэгуляваньня і гандлю прызначаны Аляксандар Якоўчыц, старшынём Дзяржстандарту — Дзьмітры Баско. Паводле «Зеркала», у сьпісе прызначэньняў і ўзгадненьняў 29 чалавек.
