ЗША прапанавалі Кітаю стварыць мэханізм узаемнага паведамленьня пра інцыдэнты са штучным інтэлектам, якія могуць закранаць нацыянальную бясьпеку. Пра прапанову пасьля перамоваў у Нью-Ёрку паведаміў міністар фінансаў ЗША Скот Бэсэнт.
Паводле Associated Press, мэханізм задуманы як канал для большай празрыстасьці паміж дзьвюма вядучымі дзяржавамі ў сфэры ШІ. Кітай публічна не абвяшчаў, што прыняў прапанову; бакі дамовіліся працягваць дыялёг пра рызыкі ШІ.
Гандлёвы прадстаўнік ЗША Джэймісан Грыр удакладніў, што абмежаваньні на экспарт AI-чыпаў і абсталяваньня для іх вытворчасьці ў гэтую частку перамоваў не ўваходзілі. Паралельна бакі працягнулі абмеркаваньне гандлю таварамі, якія яны лічаць нечульлівымі для нацыянальнай бясьпекі.
