Беларусаў Паўднёвай Каліфорніі запрашаюць на традыцыйнае восеньскае сьвята «Багач», якое пройдзе 10 кастрычніка з 14:00 да 18:00 у Monrovia Canyon Park.
У праграме заяўленыя традыцыйны беларускі абрад, народныя песьні, танцы і супольны пікнік. У сьвяце таксама возьме ўдзел мясцовая фальклярыстка Іра.
Гасьцей запрашаюць прыходзіць у беларускім традыцыйным адзеньні і вышыванках. Арганізатары раяць апранаць зручны абутак: побач ёсьць сьцежкі, па якіх можна прагуляцца перад пачаткам сьвята.
На супольны пікнік можна прыносіць аўтэнтычныя беларускія стравы. Дадаткова на месцы будзе ежа на продаж. Варта ўзяць ваду, шматразовую бутэльку і складное крэсла. Сабакі вітаюцца, але павінны быць на павадку.
📍 Месца: Monrovia Canyon Park, Mal Packer Mesa Picnic Area, 1200 N Canyon Blvd, Monrovia, CA
🗓 Дата: 10 кастрычніка
⏰ Час: 14:00–18:00
🎟 Уваход: вольны, ахвяраваньні вітаюцца
🅿️ Паркоўка: $6
Парк зачыняецца а 18:00. Пасьля гэтага часу зайсьці або выйсьці з тэрыторыі можна толькі пешшу.
Арганізатары: суполка «Беларусы Лос-Анджэлеса» і Tania Mak, аўтарка абвесткі.
