Іранскія дзяржаўныя мэдыя паведамілі, што раніцай 13 верасьня каля вострава Кешм у Армузкай пратоцы быў уражаны іранскі грузавы карабель. Паводле гэтых паведамленьняў, адзін чалавек загінуў, яшчэ некалькі былі параненыя.
Брытанская служба UK Maritime Trade Operations асобна паведаміла пра судна, у якое падчас праходу праз пратоку трапіў снарад. На борце пачаўся пажар, а мясцовыя службы эвакуявалі экіпаж. Няясна, ці гаворка ідзе пра той самы інцыдэнт. Хто нанёс удар па іранскім судне, пакуль не ўстаноўлена; адказнасьці ніхто не ўзяў.
Інцыдэнт адбыўся на фоне росту рызыкаў для суднаходзтва ў рэгіёне. Армузкая пратока застаецца ключавым маршрутам для сусьветных паставак нафты і газу, а новыя атакі ўзмацняюць занепакоенасьць наконт энэргетычных паставак і цэнаў.
