Краіны BRICS 12 верасьня аднагалосна прынялі Дэклярацыю Нью-Дэлі. У дакумэнце яны выказалі «глыбокую занепакоенасьць» эскаляцыяй напружанасьці на Блізкім Усходзе, заклікалі да максымальнай стрыманасьці і пацьвердзілі падтрымку мірнага разьвязаньня міжнародных спрэчак праз дыялёг, кансультацыі і дыпляматыю.
BRICS таксама выказаў сур’ёзную занепакоенасьць ростам аднабаковых тарыфных і нетарыфных захадаў, якія скажаюць гандаль і не адпавядаюць правілам Сусьветнай гандлёвай арганізацыі.
Беларусь удзельнічае ў саміце ў Нью-Дэлі як краіна-партнэр BRICS, а не як паўнапраўны член групы. Беларускую дэлегацыю ўзначальвае міністар замежных справаў Максім Рыжанкоў. Таму Беларусь удзельнічае ў фарматах супрацоўніцтва BRICS, але не належыць да дзяржаў-чальцоў, ад імя якіх прынятая дэклярацыя.
