Каардынацыйная Рада стварыла сталую камісію па бюджэце. За прапанову прагаласавалі 55 дэлегатаў, адзін быў супраць, яшчэ адзін устрымаўся. У галасаваньні ўзялі ўдзел 57 з 80 дэлегатаў.
Камісія будзе ўдзельнічаць у падрыхтоўцы бюджэтнай палітыкі, аналізаваць праект і выкананьне бюджэту, сачыць за працэдурамі прыняцьця фінансавых і расходных рашэньняў і рыхтаваць заключэньні для Агульнага паседжаньня КР.
Яна таксама атрымала права запытваць у органаў і службовых асобаў КР дакумэнты і інфармацыю, патрэбныя для кантролю бюджэтнага працэсу. Тэрмін адказу на такія запыты складае да 15 дзён.
Камісію ўзначаліў Дзьмітры Грыгалая, ягоным намесьнікам стаў Дзяніс Герасімчык. У склад таксама ўвайшлі Лізавета Пракопчык, Іна Шырокая і Ўладзімер Шанцаў. Камісія будзе дзейнічаць да завяршэньня кадэнцыі Каардынацыйнай Рады IV скліканьня.
