ЗША не наносілі новых удараў па Іране пасьля амаль двух тыдняў інтэнсіўных бамбаваньняў. Associated Press і Axios паведамляюць, што Белы дом узяў апэратыўную паўзу, пакуль пасярэднікі прасоўваюць новы раўнд перамоваў пра дээскаляцыю і рух суднаў праз Армускі праліў.
AP падкрэсьлівае, што гаворка ідзе не пра спыненьне агню, а пра часовую паўзу на фоне дыпляматычных кантактаў. Axios са спасылкай на дзьве крыніцы піша, што ў пятніцу Дональд Трамп загадаў не праводзіць новы ўдар, перарваўшы 13-дзённую сэрыю штодзённых атак.
Перамовы, паводле AP, засяроджаныя на магчымым змякчэньні абмежаваньняў у Армускім праліве, празь які ў звычайны час ідзе каля пятай часткі сусьветных паставак нафты. Аднак Трамп захоўвае пагрозу новай эскаляцыі, таму ўстойлівасьць гэтай паўзы пакуль няпэўная.
